"桃花"依舊

因新居未入得伙(等大吉日),所以回深山過夜
本來打算回去車窗簾,但衣車不在,只好今晚走去飛雄處車
落元朗去慣性去的茶記,本來打算乘巴士但唔知點解神推鬼撞的,上了的士,也好彩去到元朗風雲變色,突然落貓落狗咁....
雨後的擊壤路,喚起我一些回憶

那天水老師講起年輕時看的日劇:前程錦鏽,排球呀,什麼什麼呀咁,我就話,在我腦裡面冇呢d記憶....但明明我跟他同年....他講起日本女星,還有剛死掉的坂井泉水,我都係冇記憶的,好彩我還知道有山口百惠和翁善玉,雖然我沒有追看....那天,我說:日本女星我係五輪真弓年代,在紅白年代啊~
今天醒起,我的電視記憶係好少,黃元申的"絕代雙嬌","月圓彎刀",還有鄭少秋的"小李飛刀"
咁究竟那些時候我在做咩呢?最重要係我唔係一個只係返學放學的細路喎....
原來,我那些時候,看"福爾摩斯",金庸,李碧華...

我的記憶都係和圖像拉在一起,看到畫面就回憶起一些舊事