恰到好處的我見

話說,今晚返學前去了星巴克買一杯咖啡(to"陌生人":我還是只會飲星巴克的兩種咖啡...一是焦糖那個,一是普通的蒸漏咖啡)
我:麻煩你,杯tall white coffee唔駛倒咁滿
女:你的意思係你自己倒奶?
我:我的意思係杯咖啡唔駛倒咁滿 (我心諗,我叫的white呀....)
女:哦~
我看到她倒杯咖啡只欠約1cm便滿到杯邊,她還要倒奶入去
我:小姐,我說唔駛倒咁滿啊
女:你要自己倒奶呀?
我:我怕倒瀉,所以麻煩你唔好倒咁滿,未加奶都咁滿....(她呆著望我,彷彿我在說外星話,我忍不住歎了口氣)你倒走少少咖啡就可以喇(她還是一面不明白的)我怕倒瀉呀!
女:蓋了蓋,貼了貼紙咪唔會倒出黎囉
我:我會架我個人"論盡",我試過啦,麻煩你幫我倒走少少咖啡啦
她:咁不如我幫你換個大d的杯啦
我:唔駛啦(心想,你換過個杯咁即係會掉咗呢個啦,咁唔環保架,我飲少兩啖有乜所謂姐....)
她倒走少少...真係好少的咖啡...
我:可以倒走多少少架
她倒多少少,然後想蓋蓋
我:小姐,你可以比多少少奶嘛?
她一面不悅的....

我不明白,以前我在coffee shop做兼職時,有很多規則需要跟的,如何讓顧客飲到一杯好飲的coffee係好重要的....現在,彷彿把奶打到好熱,就是一杯好咖啡咁....真係,好想話佢地知,一杯好飲的咖啡,奶的溫度係160度,而且latte的濃度,tall size最好係shot半囉....(每次我話要shot半佢地都覺得點解唔要埋那半shot)
有時....有d野唔係好多好多就係最好的,恰到好處才是最高境界....

caption:這個1月我見得最多的"動物"