Voice Out!

這是一幅一年前相片
我在上環地鐵站路過,遇到地鐵的藝術展覽,熊仔係名畫裡面....好好笑,而我當然最喜歡的一張是上面呢張吶喊

雨傘運動後,人類大概分開了三類: 明事理、不明事理和扮明事理
扮明事理的,走中間路線,常常會講,我覺得件事咁真係要爭取,但係呢就唔應該咁咁咁囉~
其實我好想講: 如果政府係正常既渠道有聆聽,如果我們民選既議員無被DQ,如果400萬買到層樓住,如果打風落雨香港沒有似災難片咁滿目瘡痍.....如果.....
香港人係唔會開始用暴力......
香港人係錫身既,諗吓那些可能十歲才懂得照顧自己的小朋友,屋企有工人姐姐照顧的小朋友,點解只係十幾歲就會走出去坐街,點解會走到這麼前去吃當權者的槍彈.......
如果當年我決定生小BB,佢就係其中一個哭著回來,然後等待、恐懼警察上門的小朋友

今日我係巴士裡面,還聽到一個60歲左右的大嬸講依家啲細路為咗錢咩都做,走去阻住條路!!
我心裡面問自己: 究竟我係"咩維度",我聽咗D咩?果個人係咪真正存在係呢個空間?
我好嬲,好憤怒,但同時我好感謝上天讓這種事情發生
因為咁,佢迫那些沉默的人抗爭
因為咁,佢令我地明白新聞自由的可貴! 操控新聞的可恥!
因為咁,佢令我們從新看待90後及00後......
因為咁,我們更清楚我們守護住的香港價值是什麼?!

而我,還是那一句: 有些錢我是不會去賺!
要記住2019年6月12日,林鄭月娥政府的行為!這個發生係香港而非地球上其他地方的事情!
這一代在爭取他們應得的民主自由,爭取一個會聆聽、為民生的政府,一個不會把稅收放到完全不合理、完全不環保的工程上的政府!!
2019年,我們還要談良知,
只是我估不到,2019年我們還需要定義什麼是良知!!
雨傘運動,我刪除了部份"友誼",我還可以接受扮明事理既族群,但5年了!
而我在清理facebook把我無法接受的中間路線扮明事理既族群,一併unfriend,如果明顯是這一族群而我還留在friendlist裡面既,係因為我念及我們之間經歷過......但我不會否定有一天我忍受不了還是會unfriend你的
不對抗"可惡",容許"可惡"存在,就是與"可惡"為伍,侵食"良知"。
深心感謝現在走出來爭取的每一個人,因為他們為再下一代發聲,而我是再下一代的媽媽。