2007年6月10日

落大雨










個天對我好好,搬東東時一點雨也沒有滴下來,我剛搬好,就開始落,昨天凌晨仲在我上到小巴時,就落貓貓狗狗...只係落車時淋到少少,真好~
等陣比埋條匙業主,正式跟康威說拜拜!雨後的海景特別好看~也很久沒有閒情坐在窗台看海景...

剛才傢俬店個員工來電,說床會在13/6一點至三點送來,那個時晨對我不好,我拒絕了,跟他說要三點半後才可以,他堅持說個師傅排了時間,我說,現在才星期日不是可以安排一下嗎?我三點半之後先得,然後他說,總之係一點至三點,個師傅送黎前半小時會打比你,我說跟他說:其實我係咪講得唔清楚呢?我一點至三點唔係屋企的話,我趕唔切的話,個師傅幾點打比我係冇用的呢?你係咪聽唔到我話要三點半之後先得呢?然後佢繼續自說自話:咁到時個師傅會半個鐘之前打比你,一點至三點.
我歎了口氣,心平氣和地跟呢個後生仔講:你係咪應該mark底我三點半後先得,唔駛等我師傅摸釘呢?總之13號三點半之後先好送黎啦,就咁!
當然,我還是學他自說自話,他嘛"哦"了一聲就收線~

試諗下呢個少年的女朋友,多麼的氣結?他講野已經不是清楚,有點懶音和黏脷根咁,仲要係到自說自話....唉!呢d咪會成日同朋友講:我都好好丫,點解佢要離開我喎?
又或者個d好少少的男生,就會好容易搞上兩三個女人....
要我搞呢d男生,其實自己一個舒舒服服咪仲好!

呢家冇乜雨,都係運埋部電腦走,四點半交匙比業主!

2 則留言:

匿名 說...

入伙大吉~!!

匿名 說...

落大雨的日子,似乎已經見慣不怪!
就如這類不知所言的香港男子,一樣!
太多了!從不接受到無所謂!唉~