花花花......關於好朋友

居然和花姐一談談了8個鐘,嘩!真係....有冇咁多野講呀!
喜歡和花姐講野,可能係因為大家都係2月頭的水瓶座,可能係因為大家識了十幾年的原故,可能係大家用心去交一個朋友,可能係大家對對方有深入的體諒和信任,所以真的可以知無不談,談無不盡,最重要的我諗係我不用擔心說話會被認為"掘",我可以把很裡面那句也說了出來,十分暢快!

每次我遇到一個問題,我會自己嘗試去解決,就像拿著一個手流彈....自己會面對手上的手流彈,解決了它,通常係我輕力把手流彈軟著陸或被炸倒後,頭頂出煙之時,花姐就會出現,問一句:點呀?
然後我會哇啦哇啦的說著,就剛好為整件事作一個總結咁!!哈哈~~
有一段日子我很難過,我像是冇了好朋友那樣,突然間有一個空間....聽到回音咁....讓我很沒有安全感...心想:一定係支b4的金色作怪....好好的思索,算是想通一半的時候,朋友一個個蒲頭,好奇怪的現象呢!!
謝謝這段日子和我談過的友人,有時我真的有點煩... :p

接著,我發現,在真正的朋友面前,才有成長的空間
因為,這朋友會接納你的可惡,笑你的白痴,分享佢的睇法,然後,生命就再向前滾著....哇哈哈~~
這幾天夜麻麻都很想吃吃吃,吃到個肚脹脹的,但今天哇啦哇啦的,也聽了一大堆,就沒有這個需要了....噢,我都估到係情緒需要了 :p

還記得,很多年前還在搞戲劇的日子,每次我找花姐做音響設計,我只需給她劇本,跟她說一次我想要什麼,到時到候,md到手,一聽....bingle!

caption:花姐去完旅行送我這個花花掛,好靚好想用,但咁靚邊捨得用架?!