2007年7月22日

我是巫婆不要行近我


去九龍富豪擺檔,係在自助餐中加插節目的"嘉年華"...說明係嘉年華嘛,最多係一家人...所以....好x多小朋友
特別係今天星期日,每枱也至少有兩個,有些枱甚至有五個....有些一家兩枱出來吃的,整個ballroom差不多有廿枱....d細路係咁跳係咁叫....天呀~
見到佢地做危險動作又忍不住叫佢地小心d,見到佢地好貪心的樣,又好想教下佢地...但係,我坐係塔羅檔時,佢地走埋黎問在看書的我:"這是什麼來的?"我是不會理會他們,因為我是巫婆,不要行近我,我不要解釋給小朋友知道什麼是塔羅...那些小朋友嘛,4歲咁架....我沒有這樣的愛心呀....
吃飽後,他們大叫大跳,跑來跑去,我嘛,忍不住未夠九點半便執野準備走人

和八戒一齊逃返去銅鑼灣,坐下便叫了煎腸粉,木瓜汁走糖水,麻辣魚蛋,吃吃吃,平衡返....然後乘車回到上環,再吃了支朱古力雪糕雪條,回到家再吃沙田柚....不夠十五分鐘,覺得好倦,訓著了~

幸好我是冷漠的水瓶座,要是我像八戒那麼"有愛心"地回答小朋友的問題,做晒以上各樣我最喜歡的事我也未必能夠平衡番呢!!噢....所以,好似我今日同八戒講,要是我真係要養育小朋友,或者領養返黎都好,要個已經十歲八歲的,跳走4-7歲呢個階段...忍不住問"陌生人"結婚的package裡面,要唔要包生仔架?

5 則留言:

Random_C 說...

我之後都有幫你地諗過... 仔就照生,養到四歲就送去保良局,扮助養,到十零歲時接返屋企扮養仔咁養...
wakaka~~~

小巫 說...

又或者係自己生的話...我就把他或她早早變了小小巫,咁就好了....掛住做法術野,就唔會跑跳碰..

jup 說...

咁就要一早送佢去讀魔法學校喇~~~

drhalf 說...

你應該搵支電筒照住自己塊面,然後扮恐怖巫婆嚇下D細路仔~ 一定好好笑~

Random_C 說...

好難講wor... 你到時如果生左之後開他/她的星盤,發現他/她原來對呢家野極之無興趣的話,你教極佢都可能只係會“跑跳碰“架wor... by the way,萬一咁唔小心生左,你點都要check下佢個盤先得...