回深山家,未開廳燈已經見到一個黑影閃過,心中暗忖:"唔係掛?"
但在沒有選擇的情況下,只好輕腳步入廚房找到殺蟲水,再快步向著黑影噴去,確定噴正牠才開廳燈(因為怕牠一看到燈閃掉~)然後,再補兩噴...牠就走了入沙發底....等死
家中女人回家,本小姐向她交待有關事宜時
她說:係咁手指尾咁大隻架?
我說:係喎
她說:啊,幾天前我見過佢啦
我說:(額頭有汗)幾天前你已經見到佢......心想,怪不得牠身上有些頭髮和塵纏著....(-_-)"
她說:係呀,我唔知支拜高係邊嘛
我說:殺蟲水之類的東東一直都係廚房右手邊那個櫃架啦...
她說:唔知呀,搵唔到嘛...
我說:那你為什麼不找東西拍死牠?
她說:車,我仲驚過佢啦
我說:牠係曱甴來的呀,你點可以由佢係屋裡面架?(近乎失常性地)
她說:(之吾以對)...
失了常性的本小姐已經忘了她有沒有什麼回應
我說:你究竟有無諗過佢會在屋裡面生蛋架?!你下次再見到曱甴入屋可唔可以搵d野拍死佢呀?
要是家中女人是我媽媽的話,就不會發生這樣的事情,因為我媽媽也有潔僻
我短短在家一天半,前後給家中女人氣了三次....別人一個媽媽已經夠受,可惜我有一個媽媽和要學習和爸爸的老婆相處...兩個女人...我漸漸明白為何我對"家庭主婦"又愛又恨
另一件事嘛
她說:我見你係廚房包brown rice放了咁耐,我送了比人吃
我說:上次我咪話在澳洲返黎我會食囉...仲諗仲今晚晚飯食添
她說:放咗咁耐嘛...
我說:我再講多次,呢包米係我在公園做完halloween之後帶回來的,米係可以放下的...噢...事但啦~
她說:放咁耐唔新鮮嘛...你又唔食...
我說:我一個人吃一包細的米也要時間的...求其啦,我今晚食公仔面啦
然後我眼望電視,拒絕對話
我覺得,三十年來我根本沒有處理到我與她之間的東東
以前接觸到的"治療師"都是叫我用love & forgive"...初初是可以的,但日子過了又回復原狀...點解呢?
用番在澳洲上課的老師說過的:"因為我們沒有處理到當中的情緒,咁大的課題不是一開始就可以用愛用體諒便可以的,要先處理了當中的anger才能去到寛恕"
我從來沒有面對與家中女人的東東,所以我與家外的其他女人就是夾不來....噢,好了好了,我面對家中那個了!
caption:銅鑼灣地鐵站的日清廣告...犀利~
沒有留言:
發佈留言