過份溺愛

前兩天在收音機聽到一段社工的話,覺得幾好,quote落黎,值得好好自我看看是被被父母過份溺愛而太自我中心而沒有理會其他人的感受,又或者自己有沒有過份溺愛一些人,讓他不懂理人感受....

"愛係好重要的,但過多的愛會造成溺愛和造成小朋友對大人的依賴
有時我地對小朋友的過份照顧只會令佢地喪失學習的機會,佢咩都學唔到,而應該佢做的你又幫佢做埋,而因為你幫佢做既野而做唔到的時候,究竟係媽媽的責任定係佢的責任呢?
溺愛係令小朋友最容易失去責任感的,而責任感對一個人的成長係好重要的
責任感在社會裡面係好重要的,就好似在公司裡面我地就要做好一個職員的角色

太過溺愛小朋友唔單止令佢地太過依賴父母的照顧,而且會令到某些小朋友不會懂得媽媽比佢地的愛,更加唔會感激佢地的愛,相反,如果有唔如意的時候,佢地就會麻怨媽媽唔夠錫佢地,因此好易唔開心,好容易唔快樂,甚至覺得世界上自己係最可憐,呢種感覺慢慢會令到個小朋友變得太自我中心,佢地只係會識得睇自己的感受,而唔識得去關懷身邊的人,包括屋企人和身邊的朋友,或者將來的伴侶,唔識得點樣去關懷和與對方相處,長此下去真係會影響小朋友的社交生活."