2019年的第一篇blog

NS1.31.6.28 #Kin76
我承認我係講少咗野既
可以話係因為做咗媽媽照顧個女時間多咗,就寫少咗blog同埋攰到冇時間碎碎唸
另一個可能就係我懶,好似我"生母"(佢成日強調的角色)話我懶寫信俾佢,我真係想同佢講,我連blog都懶寫
但係我心裡的話其實好多好多
不過,近年我發現同人類講野要選擇既,因為人類會以自己既方式去演譯你所講既野,然後自己坐係那個我被你傷害既位,我好傷心好憤怒好嬲......
年輕時我唔介意人類誤會我,因為受傷害的是我,覺得難過既都係我,但係年長後,太容易遇到扭曲我講野既人類,基本上只和較熟諗的輕鬆傾,但都可以被誤會既~
例如: 我跟一個les講,你過去兩段感情都係同G一齊,有冇發現被投訴或個G失望既都係你保護唔到佢,佢唔能夠相信你?你有無諗過其實你唔係純TB?會唔會同中性一點的les一齊,你同個partner會開心尐? les已經過得唔容易,何必令愛自己和自己愛的都再加添辛苦?
然後,佢同人講我叫佢同TB一齊,所以佢好嬲,佢完全感受唔到,也忘記咗過去幾年相處兩個人之間建立的懂得。佢把我的愛掉入垃圾桶,我係要多謝佢既,因為我唔再需要擔心佢和繼續愛佢,等佢諗明/通到個思維,然後同我做番朋友。
又例如,我我關心一個人類,問佢你2019年有咩計劃呀?之前諗過做既野究竟做唔做既呢?然後佢同我講佢一直以黎都係用自己節奏向前行......我知,個節奏係3年喇喎,你係咪行架?我問你係因為我同你一齊行緊架喎.....我都係要有個知字啫。然後,佢同人講我誤會佢,唔明白佢....唔俾佢講野.....完全忘記同我相處的5年我是一個什麼的人。都好既,我唔再同佢講野,佢咪唔會誤會我迫佢囉。

我好記得2007年的一件事
那星期我好攰,攰到連食飯都冇力,我的ex想要"做愛",但我話我太攰喇今日唔得喇,冇力"旭動"呀!
然後佢答: 你都唔駛"旭"!
我以為自己聽錯,叫佢講多次,又話:咁係丫嘛,"旭"果個係我~
咁樣......
人有些時候係會亂噏,但作為成年人係分到有些說話是不能說出口,除非,這個成年人真心覺得件事其實係咁,咁樣係最正常不過既事黎。
甚至欣靈爸爸也有很多時候會誤會我講緊既野.....令到一個事業靠講野既我很迷茫,因為平日講書學生們收得很清楚.....點解一講自己野就被誤會呢?這真是turquoise藍綠色性格光線的功課嗎???明明我的星宮圖裡面係有兩個風象大三角,幫到手架喎.....
這幾年,生命鍛鍊我,讓我明白到"聽唔到"和"聽唔明"我講野既人,係因為我講果句說話太真實,但我唔能夠說服自己講"動聽"的說話,我最多係唔講。

所以呢~
2019年回顧2018年....我最想多謝果尐明白我講果句野既意思既人,每一個。
然後係多謝上天給我遇到,聽完我講野,然後有正常思路既人,讓我講清楚一尐,還有那些聽我講,付出時間和愛的每一個人。還有,係我發表[高氏偉論]後,我說多謝聆聽,同我講"my pleasure"既人。令我感受到被愛、被尊重、被接納.......愛、尊重和接納平日在生活的我,而非那個工作mode既我~~
因為有這些愛、尊重和接納,我就能堅持下去~